Resoconto Scugnizzo
Ogn'anno 'e chisti tiempi c'e' l'usanza pe' listaioli andare
alle pizziate.Io aggio tenuto 'stu pensiero,l'aggio fatta sta crianza,
pe' sta' miez' a tant'amici e a 'sta simpatica adunanza.
N'ce steva tanta gente ch' 'e facce allere e assaie cuntente,e io,nu poco
emozionato,so' partuto cu' vasille a pezzichille e strette 'e mano. A fa' gli
onori 'e casa n'ce steva don Luigi,nu figurino me' paruto,che 'nzieme a duje
maste, 'o maste 'e festa e 'o mastugiorgio, C'hanno arrigalato 'a cumpagnia e
chi ha passato 'a vita dint' 'o Tiatro. A capotavola aggio visto ddoje
generazione. Maringola:'a Napule d' Eduardo. E Max:'a Napule 'e Daniele...ma
quanno s'hanno stretta 'a mano, aggio visto sulo:Napolibella.
Vicino a isso n'ce steva assettata 'a pronipote d'o Maestro Mazzucchi... si, si!
chillo ca 'nzieme a di Capua scrivette 'O sole Mio. (Ve dico nu segreto: è 'a
cugina 'e don Luigi, 'e nonni lloro erano frate e sora figurateve se chiammavano
... Luigi e Giulia, nun ho dicite a nisciuno).
Che bella cumpagnia!
Dopp' 'e presentazioni e cunusciuto tutte quante, 'a uno 'a uno n'ce simme mise
cu 'e piere sotto 'a tavula.
Pur'io,della piccola e media borghesia, stevo a capotavola, ma 'na tavola nu
poco cchiù piccerella.
Alla mia destra,ops scusate chell' è 'a sinistra,me 'mbroglio sempe... alla mia
sinistra steva assettato Fabio,raccumannato da Marina la quale nun ce steva, ma
a tavula avimme miso 'o piatto suoio ,comme si miez' a nuie stesse pur'essa. Ma
'a famme è famme... Marine' scusace tante ma 'o piatto tuoio ce l'avimme
spartuto io, Alex e Elena, devota di San Diego Armando.
Alla mia destra steva assettato Mariano 'o londinese,s impatico e cu 'na
chiacchiera... ca si stevo 'ncoppa a fatica, sciuglievo 'o cane!
Po' Vittorio 'e Pordenone che 'a furia 'e guardà "Un posto al sole"
s'era abbronzato. E pe' ferni' Antonella, che sona 'e castagnelle, comme Mozart
sunav' 'o pianufforte.
Di rimpetto a me, comme dinte a 'nu duello "Mezzogiorno di pizza", ce
steva Alex che se acchiappato ll'urdemo panzarotto. E mo' 'o
mumento che tutte stevemo aspettanno,comme 'na fiaccola olimpica appicciata, dal
vecchio continente purtata a cumbaceiro fino a Piazza do' Gesu', passata po'
dinte 'e mane di Mario Bonavolonta' che l'ha purtata fino a via Cilea, a' 'i
lloche...ess'...'a Caipirigna.
Cumbace' 'a fiaccola e' stutata.
'O cammeriere che l'ha assaggiata sta purtanne ancora 'e marenare a chi ha
urdinate 'e margherite. Intanto Gigio Rosa,che è' chillo co' cappiello, cu' 'na
telecamera che se si scriveva alla big diet vinceva 'o primmo premio,ce pigliava
a tutte quanti ca sciusciavamo n'coppa 'a pizza 'e don Luigi, che nun steva mai
assettato, c'ha omaggiato cu' nu CD co' logo 'e Santaniello chino 'e canzone
belle. Verso 'a fine da' serata e' accumparsa na chitarra e avimme cantate tutti
quanti tra 'nu bicchiere e 'na resata.
E che voce che tene Donatella, 'a vurria proporre comme cantante ufficiale di
Napoletanita'. S'e' brindato a chi nun ce steva e a Lazzariello, trattenuto
dint' 'o gabbinetto. Vurria sape' chi 'a mise o guttalax dint' 'o cafe'.
Doppe fatte 'e cunte e pavato 'o cammeriere, ce simme arritirati cu 'o sorriso e
'nu sacco 'e nuovi amici.
Ue', ma addo' jate. Aspettate 'nu mumento. Ve pare che me scurdavo di Gino
Maringola e Aurelio Fierro?
De' parole chiene 'e valori pe' 'na Napule migliore, de' ricordi e quanno hanna
accuminciato, da' poesia che c'ha recitato chillo che ha scritto "O
pusteggiatore"?
E comme se po' guagliu'? 'E chelle parole n'aggio fatto nu' tesoro.
Alla prossima pizziata.
Scugnizzo
