L'urdemo suonno d'austo
se sceta c''o primmo 'e settembre ,
stasera č n'incanto !
'O cielo č amaranto , na rčfola 'e viento
doce comme 'a carezza 'e nu bbene
amara comme 'o ffele d''o chianto
me porta
na chiorma 'e penziere
ch'affollano 'a mente
e metteno 'ncroce stu core .

Vurria ca chiuvesse e nun chiove...

Vurria tanta nuvole attuorno
ma 'a luna č d'argiento...

Vurria ca nu suonno turnasse
ma 'o suonno nun torna .

Stu suonno č partuto
'ncopp''a ll'onne
'e ll'urdemo sera d'austo
lassannome
nu grappole 'e stelle
miez'a nu cielo amaranto
'int'a sta sera 'ncantata
d''o primmo 'e settembre .


Luciano Somma

Da : "N'ATU DIMANE"
Ed.del Delfino -Napoli
1982