Chiammāteme nu chiāveco,
chiammāteme fetente;
ma si faccio nu pireto
ne godo overamente.

Si magno pasta e ccicere,
nzieme cu dduie fasule,
č nu piacere a ssčntere
comme scrurreggia 'o culo.

Sarrā nu brutto vizio;
ma chi č ca nun 'o tene?
Anze, č 'o cchių fesso 'e ll'uommene
chillo ca s' 'o mantene.

Ve sfido a contraddirmelo
ca, si nun fa rummore,
ve fa piacere 'e sčntere
'o ppucurillo 'addore.

E tutte quante, in genere,
ne fanno grande abuso;
sulo 'e signure nobbele
s'appilano 'o pertuse.

Si uno, per esempio,
tene delure 'e panza,
facenne quatto pérete
fernesce ogne lagnanza.

Appena 'o culo scārreca
te passa tutt''o mmale,
e puose cu nu pireto
'o piso 'e nu quintale.

Si chesto nun succede,
'a panza cchių s'abboffa
e fai na puzza seria:
se scārreca na loffa.

Percio' , chi affoca 'o pireto
č proprio 'o rre d''e fesse,
perché 'a puzza, č logico,
se sente sempe 'o stesso.

E vizio ereditario
ca tengo da guaglione;
papā faceva 'o pireto
chių forte 'e nu cannone.

V''o ggiuro, nun esāggero,
ca na vota, cacanno,
papā schiattaje nu cāntero
e s'abbuccaje nu scanno.

E me diceva: -E inutile,
'o pireto vo' 'o sfoco:
'a puzza č chių terribbele
si 'o caccie a poco a poco.

Te ponno pure dicere
ch'č pireto malato,
ch'č ghiuto int''a milizia
e ll'hanno rifurmato.

Ma quando tu lle scārreche
nu pirete che vale
allora lle puo' dicere:
<< Chisto č nu generale >>

Ferdinando RUSSO.