Si asciuta dint'a nu capriccio 'e sole
scetata c''o prufumo 'e n'alba chiara
so' palummelle doce sti pparole
che staje dicenno, comme mme si cara!

L'uocchie so' specchio 'e perle 'mmiez''o mare
'a vocca toja carnale è na cerasa
e l'oro d''e capille mo me pare
na ricchezza ca regna 'int''a sta casa.

Addo' campammo nuje che a bbona 'e dio
ancora ce vulimme tantu bbene
e' nu gemello 'o core tuojo c''o mio
che sbatte forte e fa' tremma' sti vvene.

Una cosa però t'arraccumanno
e so' sicuro nun m''a negarraje
quanno facimmo 'ammore - e sulo tanno -
nun di' ca te sfastidje, nun sia maje.

Luciano SOMMA