jette a piscià dint'a nu pisciaturo.
Sentite un poco che me succedette ...
Steva azzeccato proprio nfacci"o muro
nu cartiello culore viuletto.

J' mm"o mettette a leggere giacché
ca sto nu pucurillo ammarruccato;
anze, pe di' cchiù meglio, ait' 'a sapé
ca stongo overamente nfrancesato.

E che tene, stu povero guaglione? ...
Urgere, scarfature, centre 'e galle,
cèveze, ceraselle, nu tincone ...
Pe gghionta, pure 'o scolo dint"e ppalle!

Che ssa', io po' pisciavo a sghizzo a sghizzo,
ca 'a scarfatura me faceva male;
ma mentre che liggevo Il'indirizzo
passaie n'atu cazzanculo 'e guaio:

na vespa sfaccemmosa e rrotta 'e mazzo
me dà nu muorzo justo mpont"o cazzo.
N"a vaco pe caccià cu na carocchia
e me se ntorza tanto na capocchia ...

Ferdinando RUSSO