Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata   Ricette  Siti preferiti  

L'amicizia

Si overo chesta vita è nu triato,
pure 'o triato è vita, è verità
ma l'hadda fa' sultanto chi è purtato,
sultanto chi se vô sacrifica' .

Nun abbasta cunoscere ' o cupione,
'nce hadda mettere 'o ssuio: ce vô sciultezza,
semplicità, sincerità, passione:
'o perzunaggio vô naturalezza.

Tutto chesto ce vô pe' fa' 'n attore
pircio 'o triato è bello, è calamita:
vô sacrificio, devuzzione e core
e spisso nun abbasta tutt' 'a vita.

Si spiega si, a spettaculo fernuto,
a Il'artista le tremmano 'e denocchie. ..
L'applauso? E' 'n abbraccio, è nu saluto
ca fa' spunta' 'na lacrema 'int' 'a Il'uocchie.

 Sta lacrema fatta ' e sincerità
vô di' ch'isso è trasuto dint' 'a "parte"
e si esce cchiù 'e na vota a ringrazia'
sulo allora ' o triato addiventa Arte.

Chesti ccose pe' te nun songo nove. ..
Chisto è ' o triato e tene ' a legge soia:
impegno, studio, ciento e ciento prove,
tanta fatica e. ..nu murzillo 'e ggioia.