|
L' EMIGRANTE
Juornata fredda triste e senza sole,
'nterra nu puorto aunite c''a famiglia,
Quanti pariente amice e canuscente,
C'arrivene pe' da l'ultimo saluto.
Quante so' belle 'e facce d''e criature
S'astregnano a mme e 'a mamma ca se struje,
Na facce 'e cera comme na madonna
Tremmano po' s'appoje 'ncopp'o core.
Triste e' 'a partenza si se va luntano,
Ma cchiu' 'nfame e 'a luntananza
Pe nuje Napulitane
Spartute d''a famiglia p''e terre assaje luntano.
'A vicchiarella mia nun 'e venuta,
Mo fa' seje anne ca sta' assaje malata
Mo fa' seje ore ca m'ha ditto addio.
P'America ne vire e' figlie e' mamme
Comme spurdute a cerca' fatica,
Songhe avvilite p'arrangia sti vite,
So' d'ognie eta' sti povere emigrante
Vi quanta folla 'nterra 'a n''a marina
Gente arruffata femmene e criature,
Mille mappate pezze fasciature
strisceno cu' llore baule e valice
Facce appaurite facce avvilite.
Pare ca tutte parte pare ca tutto va'
Sultanto chistu' core chiagne ca vo' resta'
Lacreme e vase rituorne ampressa,
T'arraccumanno scriveme Vicie'!
D''a buordo stone 'o runfo d''o vapore
E 'a nave 'e pronto pe' l'ascia a' panchina
Tra' strille 'e suone chiagne 'o mandulino
Tutte aggranfate appise a n''a ringhiera
Cercanne e manna' l'ultimo saluto.
Che' runfo funerario
Fa 'o vapore,ca' 'ngrifa pure e' pelle marenare
Nu' friddo 'e gelo,'o chianto
Nu friddo c'a decise e saluta'!
Pare che te vo' di pecche' chiagnite?
Pare che te vo' di pecche' partite?
Chi parte io so' sicure turnarra'
Chi scena commovente
Ca sciorte te po' dda'
Che smorfia e 'a vita
Si tuttu s'adda' lascia'.
si tutto s'adda' scurda'.
Veco ca tutto parte , tra' poco tutto va'
Quanti manelle, mille fazzulette,
Parene pallummele'a sventola'
'o golfo pe' tramente s'alluntana
E Napule scumpare chiano, chiano
Lassanno pe' ricordo 'a cartulina
Pe' nuje Napulitane.
Armando Torre.
|
