|
ANNARELLA
Uocchie
turchine culore d''o mare
vocca 'e curallo ca fa ntenneri'
e na resella ca fa asci' a 'mpazzi'
pure nu santo si 'a cielo accumpare.
E chi 'a cunosce e 'a stima nu tesore
'o sape ca da 'e piede 'nfino a 'e mmane
e' bbona comm'e' doce e buono 'o pane,
'sta figlia mia ch'e' 'a luce 'e chistu core.
N'ammore eterno che dura 'a na vita,
na nnammurata ca nun more maie...
Ca si te vasa,te fa' scurda' 'e guaie
ma se fa' rossa comme fa' na zita.
E Dio 'nzieme 'a salute e 'a dignita'
l'ha fatto 'a vita stretta comme''e giglie...
'e giglie,si,chesto pe' me so''e figlie:
'e figlie so 'a purezza e onesta'.
|
