Austo, 'nterr''a rena tutt''e duje
guardammo comme 'o sole se ne va
e chianu chiano accumparisce 'a luna
ch'all'intrasatto 'o bbene fa' sunna'...

Cu''e mmane dint''e mmane, vocca a vvocca,
assapurammo 'sta felicitą
e corrono 'sti core forte 'mpietto
e nuje nun ce stancammo 'e ce vasa'.

'O mare ci'accarezza e 'ncielo 'e stelle
pare ca se mettessero a balla'
na voce canta e na chitarra sona...
e intanto io mo accummencio gią a penza':

ca tu dimane parte, te ne vaje
luntana 'a me, dint'a n'ata cittą
chisą si quacchevota penzarraje...
ma 'o tiempo tutt''e ccose fa scurda'.

Austo chesto fa: scummoglie ammore
ca po' Settembre vene a cummiglia';
'e na passione doce 'e na staggione
forze manco 'o ricordo restarrą.

Luciano SOMMA